«Сеҥымашын диктантше» историй акций 3-шо сентябрьыште эртышаш

Республикыштына «Сеҥымашын диктантше» историй акций 3-шо сентябрьыште эртышаш. Тыгай жапыш тудым коронавирус шотышто пандемийлан кӧра кусарыме. Кодшо ийын федерал акций кум площадкыште эртен ыле. Тений тудым кумдаҥдаш да школлаштат эртараш лийме ыле.  Но черлан кӧра тидым ышташ чарыме. Правительстве председательын икымше алмаштышыже Михаил Васютинын эртарыме  «Мемнан Сеҥымашна» регионысо оргкомитетын заседанийыштыже офлайн площадке- влакым вуз ден ссузлаште ышташ пунчалме. Йошкар-Олаште МарГУ ден Юлтехыште кум площадке, Волжскышто, Козьмодемьянскыште, Звениговышто, Медведево, Морко, Оршанке, У Торъял, Куженер посёлкылаште, Вечын селаште техникум ден колледжлаште, Шернурышто книгагудышто возаш тӱҥалыт.