Шереметьев замкым умбакыже олмыктат
Республикысе Шереметьев замкым олмыктымо паша умбакыже шуйна. Тудо Республикылан 100 ий теммым палемдыме кышкарыште шукталтеш. Кугыжаныш закупко сайтыште электрон йӧн дене лийшаш конкурс нерген уверым вераҥдыме. Тиде гана олмыктышаш объект семын Юрино посёлкысо замкын тӱҥ пӧртшым палемдыме. Пашам 30-шо ноябрь марте ыштен шуктышаш улыт. Тиде пашалан 12 миллион утла теҥге оксам палемдыме. Конкурсышко йодмашым 14-ше июль марте налыт. Кодшо ийын шым миллионат пеле теҥгеаш пашам шуктымо ыле. Тений чылаже 20 миллион утла теҥгеаш пашам ыштышаш улыт.