Шернур районысо вич ялыш пӱртӱс газ толын шушаш

Тений идалык мучашыште Шернур районысо вич ялыш пӱртӱс газ миен шушаш. «Газпром газораспределение Йошкар-Ола» предприятийын специалистше- влак районысо Кукнур илем кундемыште пашам ыштат. Тудым нылымше кварталыште мучашлаш палемдыме. Посёлкыла кокласе газпуч Кукнур села, Аптулят, Купсола, Чисола, Ананур, Меке починга ялла марте российысе регион- влакым газифицироватлыме Программе почеш чоҥалтын. Кукнур илемысе моло ялыш газпучым газым колтымылан тариф деке специальный ешартышын шийвундыж кӱшеш чоҥат. 8 меҥге кужыт наре газпуч Кугу Пӱнчер, Изи Пӱнчер, Куракин, Кускин, Потасола яллаште 80 утла пӧртлан канде тулым ситараш тӱҥалеш. Суртоза- влак газ оборудованийым вераҥденыт, теле марте нуным газ деке ушымо лиеш.