Российыште кредит каникулым увертарыме

Российыште кредит каникулым увертарыме. Кугыжаныш Думын пеҥгыдемдыме законжо почеш, коронавируслан кӧра эҥгекыш логалше граждан, посна амалкалче, изи  да кыдалаш бизнеслан кредит каникуллан правам пуымо. Документым депутат- влак Россий Банк да финанс министерстве дене пырля ямдыленыт. Кредит каникул жапыште заёмщиклан штраф да пени ок тӱлыкталт, ончылгоч тӱлыкташ огыт йод. Тидын годымак заёмщик налме кредитшым ончылгоч пӧртылтен кертеш. Тиде закон деч ончыч кредитым налше- влакын, ончычсо тылзын парышышт 30 процентлан шагалемын гын,  30-шо сентябрь марте каникулым йодын кертыт. Заёмщик- влакын йодышыштым банк вич кечыште ончышаш.