Республикыштына тӱвыра да сымыктыш аланыште туныктымо кластерым ышташ палемдыме
Республикыштына тӱвыра да сымыктыш аланыште туныктымо кластерым ышташ палемдыме. Тудо тӱвыра да сымыктыш паша дене кылдалтше специалист- влакым ямдылаш тӱҥалеш. Мутлан, Калыкле президент школ- интернат ден Калыкле президент сымыктыш школым пужен ышташ да Палантай лӱмеш тӱвыра да сымыктыш колледж деке ушаш лийме.- увертарен тӱвыра министр Константин Иванов. Кызыт специалист- влакын ситыдымышт палдырна, президент школым тунем пытарыше- влак моло кундемлаш каят. Сандене туныктымаште у йӧным муаш кӱлеш, - ешарен министр. Пужен ыштымаш у тунемме программым шыҥдараш, туныктымо дуальный системым кучалташ да ондакак специализацийым пурташ йӧным пуа. Тыгай опыт икмыняр регионышто уло. Сай пример семын Константин Иванов профессионал балет школын примержым конден. Тудлан 20 ият темын. Кызыт Эрик Сапаев лӱмеш балет театрын труппыштыжо 98 процент куштызо верысе кадр улыт. Туныктыш министр Наталья Адамова туныктыш кластерым ыштыме шотышто шонымашым сайлан шотлен. Республикым вуйлатыше Александр Евстифееват тӱвыра министерствын тӱҥалтышыжым поддержатлен, чыла йодышым радамлен лекташ кӱштен.