Регионысо арня кышкарыште вашлиймаш- влак
Кугыжаныш Думын депутатше Светлана Солнцеван регионысо арняже умбакыже шуйна. Теҥгече тудо Марий Эл Кугыжаныш Погынын 7-ше сессийыштыже лийын. Вара республикысе паша да пашавер департаментым вуйлатыше Алексей Сычёв дене вашлийын. Нуно пӱсын шогышо йодыш- влакым каҥашеныт. Тиде- йочан кум ийыш шумешкыже отпускышто улшо ӱдырамаш- влакын квалификацийыштым нӧлтымо, уэш туныктымо, инвалид да начар тазалыкан- влаклан пашаверым мумо, пенсий ийготыш лишем толшо- влакым профессийлан туныктымо да ешартыш шинчымашым пуымо йодыш- влак улыт. Общественный приёмныйышто депутат калык- влаклан «Икшыван ешлан полышым пуымаш. Президентын у инициативыже- влак» тематический приёмым эртарен. Тушко нужнанрак илыше да неле илыш йогыныш логалше еш- влакым ӱжмӧ. Светлана Солнцева кугу тӱткышым ешлан ава капиталым пуымо да тудым кучылтмо, икшыван еш- влаклан полышым пуымо, илыме верым чоҥаш ипотекым налме йодыш- влаклан ойырен. Еҥ- влакым тыгак корным олмыктымо, кудывечылам тӱзатыме, пашаверым мумо, кудывечылам капитально олмыктымо йодыш- влак тургыжландареныт. Чыла йодышым депутат контрольыш налын.