Пушеҥге дене пайдаланымым электрон системе терген шогаш тӱҥалеш

                 Пушеҥге дене пайдаланымым электрон  системе терген шогаш тӱҥалеш. Пырням кучылтмо шотышто единый системе нерген законопроект чодыра поянлыкын чын учётшым виктараш полшышаш,- шотла Кугыжаныш Думын депутатше Светлана Солнцева. Кугыжаныш Думын депутатше- влак пленарный заседанийыште кумшо лудмаште пушеҥге дене пайдаланыме да тудым шотлымо единый кугыжаныш увер системе нерген законопроектым приниматленыт. Тудын дене келшышын ЛесЕГАИС-ым ышташ, тушто улшо сведенийын переченьжым чумыраш да тудым пуымо радамым ямдылаш темлалтеш. Чодыра дене пайдаланаш, пушеҥгым учётыш налаш ойпидышым кылдаш, тудым ужалыме- налме пашам электрон йӧн дене гына виктараш темлалтеш. ЛесЕГАИС-ын операторжылан Рослесхозым да тудын структурыжым палемдыме. Законыш тӧрлымашым пуртымаш ен- влаклан да юридический лица- шамычлан чодыра нерген увер дене эрыкан да яра пайдаланаш, чодыра поянлыкым чын шотлаш да тудым терген шогаш йӧным пуа. 2022-шо ий 1-ше январь гыч  шергакан иман да лышташан пушеҥгым обрабатыватлыде эл гыч лукташ тӱвыт чаралтеш,- палемден Светлана Солнцева.