Президентын обращенийже почеш Республикым вуйлатыше шке комментарийжым пуэн
Президент Владимир Путинын обращенийже почеш Республикым вуйлатыше Александр Евстифеев шке комментарийжым пуэн. Тудо республикысе калыклан президентын шомакшым шукташ кӱштен, инфекций ынже шарле манын, самоизоляций режимым пудыртыман огыл манын. Российын Президентше шке обращенийыштыже вирус дене кучедалме сомылым тудын шарлен шумыж деч ончыч ыштен шукташ темлен да апрель мучаш марте пашадыме кечым шуяш пунчалын. Элым вуйлатыше тыгак палемден: регион- влак шке посна профилактике мера- влакым палемден кертыт. Кызытсе жаплан Марий Элыште утларак ямде улмо режимым пуртымо да еҥ- влаклан самоизоляций режим ышта. Тиде кечылаште мӧҥгыштӧ лийше еҥ- влаклан, врач, аптеке пашаеҥ, волонтёр, кочкыш сату кевыт пашаеҥ- влалкан тауштымо шомакым каласен. Карантин режимым эскерымашым ответственно шукташ йодын. Тыге гына вируслан шарлаш чаракым ыштен кертына. Кызытсе жаплан республикыште коронавирус дене ныл еҥ черланен. Кечын медицина эскерымаште 1183 еҥ уло. Эскерымаш гыч 795 еҥым кораҥдыме, нунын коклаште 30 еҥже йотэлын гражданинже улыт. Эпидемиологий сӱрет контрольышто улеш гынат, Правительство чарыме мероприятйым пеҥгыдемдаш лийме нерген ойла, - каласен республикым вуйлатыше.