Осал чер эше ик илышым наҥгаен
Чаманаш логалеш, эртыше суткаште эше ик еҥ ӱмыр лугыч лийын. Тыге, тымарте 31 еҥ илыш дене чеверласен. Ик суткаште 29 еҥын чержым пеҥгыдемдыме. Пандемий тӱҥалме годсек, кум тӱжемат 409 еҥым тиде чер тӱкен. Тачысе кече марте кок тӱжемат 930 еҥ эмлалт лектын. Элна мучко черланыше- влакын чотышт 752 тӱжемым эртен. Ик суткаште 6 тӱжемат 428 еҥын чержым пален налме, 8 тӱжемат 400 утла еҥ черым сеҥен лектын, 167 еҥ колен.