Марий калык чумыргышо йодышым 11-ше погынышто каҥаша
Таче Марий калыкын 11-ше погынжо почылтын. Тудо противоэпидемиологий йодмашым тӱрыс шуктен эртаралтеш. Икымше гыч кумшо октябрь марте шуйнышо погынышто 19 регион гыч 391 делегат участвоватла. Республикым вуйлатыше Александр Евстифеев толшо делегат да уна- влакым тиде событий дене саламлен, лектышан пашам, у сеҥымашым, вий-куатым, ончыкылан ӱшаным, пеҥгыде тазалыкым да сай илышым тыланен.
Марий Погынын икымше кечыже пеш чока лийшаш. Эрдене таче «Марий Элысе гуманитар шанче- влак» регион кокласе кӱкшытан шанче-практик конференций почылтын. 11 шагатлан Чарла кремльыште «Пеледыш пайрем» тӱҥалын. Тудын кышкарыште кидпашам ончыктымаш да ужалымаш, кочкыш-сатум ужалыме ярминга, концерт эрта. 14 шагатлан Петров уремысе кокымшо пӧрт пырдыжеш Марий облисполкомын икымше председательже Иван Петровлан мемориал онам почыт. 14 шагатат 30 минутлан мер-политик рӱдерыште Мер Каҥашын 10-шо пленумжо пашажым тӱҥалеш. 17 шагатлан Пушкин уремысе тӱвыра колледжыш академический музыка факультетше ончылно Андрей Эшпайлан чапкӱ лийшаш верыште кӱым вераҥдат. Композиторлан 95 ий теммым палемдымаш 18 шагатыште Эрик Сапаев лӱмеш театрыште умбакыже концерт дене шуйна. Концерт Самырык- влакын «Йывырте-Радуйся: Марий Эллан пӧлеклалтеш» тӱнямбал фестиваль-лабораторийыштлан тӱҥалтышым пуа. А эрла марий сотемдарыше, литератор да этнограф Павел Глезденёв лӱмеш 8 шагатат 30 минут эрдене Печать пӧрт пырдыжеш шарнымашан оҥам вераҥдат, кастене погынын участникше- влак Шкетан театрыште «Йыван Кырла. Путёвка в жизнь» спектакльым ончат. Кумшо октябрьыште Эрик Сапаев лӱмеш театрыште «Мыйын калыкем поро чонан» пайрем концерт лиеш. Тиддеч посна ятыр выставке пашам ышта. Пленарный заседаний- влак 2-3-шо октябрьыште Шкетан театрыште лийыт. Эрла секционный заседений-влак вич площадкыште эртат.
Марий Погынын икымше кечыже пеш чока лийшаш. Эрдене таче «Марий Элысе гуманитар шанче- влак» регион кокласе кӱкшытан шанче-практик конференций почылтын. 11 шагатлан Чарла кремльыште «Пеледыш пайрем» тӱҥалын. Тудын кышкарыште кидпашам ончыктымаш да ужалымаш, кочкыш-сатум ужалыме ярминга, концерт эрта. 14 шагатлан Петров уремысе кокымшо пӧрт пырдыжеш Марий облисполкомын икымше председательже Иван Петровлан мемориал онам почыт. 14 шагатат 30 минутлан мер-политик рӱдерыште Мер Каҥашын 10-шо пленумжо пашажым тӱҥалеш. 17 шагатлан Пушкин уремысе тӱвыра колледжыш академический музыка факультетше ончылно Андрей Эшпайлан чапкӱ лийшаш верыште кӱым вераҥдат. Композиторлан 95 ий теммым палемдымаш 18 шагатыште Эрик Сапаев лӱмеш театрыште умбакыже концерт дене шуйна. Концерт Самырык- влакын «Йывырте-Радуйся: Марий Эллан пӧлеклалтеш» тӱнямбал фестиваль-лабораторийыштлан тӱҥалтышым пуа. А эрла марий сотемдарыше, литератор да этнограф Павел Глезденёв лӱмеш 8 шагатат 30 минут эрдене Печать пӧрт пырдыжеш шарнымашан оҥам вераҥдат, кастене погынын участникше- влак Шкетан театрыште «Йыван Кырла. Путёвка в жизнь» спектакльым ончат. Кумшо октябрьыште Эрик Сапаев лӱмеш театрыште «Мыйын калыкем поро чонан» пайрем концерт лиеш. Тиддеч посна ятыр выставке пашам ышта. Пленарный заседаний- влак 2-3-шо октябрьыште Шкетан театрыште лийыт. Эрла секционный заседений-влак вич площадкыште эртат.