Марий Эл гыч 40 кадет вич кечаш сборыш кая

Армий радамыш каяш ямдылалтше 40 рвезе Угарман областьысе «Гвардеец» тунемме- методик рӱдерыш тунемме сборыш кая. Йошкар-Ола да Советский районысо  вич школ гыч 10-шо классыште тунемше 40 кадет да ОБЖ предметым  4 туныктышо 20-шо гыч 25-ше ноябрь марте армий радамыш ямдылалтме сборышто лийыт. Тудын цельже- рвезе- влакым службылан ямдылымаш, тӱналтыш военный шинчымаш дене палымым ыштымаш, рвезе- влаклан эн кӱлешан морально- психологий да тазалык шинчымашым пуымаш. Вич кече жапыште рвезе- влак строевой, тактик, лӱйкалыме да физически ямдылалтме, военно- медицина курсым эртат, армийысе илыш радамым пален налыт, армийыште кӱлеш лийше шинчымаш ден моштымашыштым пойдарат. Сборын программыжым Угарман областьысе туныктыш министерстве ден МЧС виктем ямдылат.