Калыкле проект почеш Йошкар-Олаште кок уремым олмыкташ тӱналыт
Калыкле проект почеш Йошкар-Олаште Комсомол уремым да Кремль уремын ужашыжым олмыкташ тӱналыт. Пашам шукташ контрактым ышташ электрон аукцион увертаралтеш. Тудын почеш Кремль уремын Советский деч Первомай урем марте ужашыже да Комсомол уремын Ленин проспект деч Серов урем марте ужашыже олмыкталтшаш. Кремль уремым олмыкташ контарктын тӱҥалтыш акше 24 миллионат 245 тӱжем теҥге утла. Корнын кужытшо 664 метр. Комсомол уремлан 140 милионат 997 тӱжем теҥге ойыралтеш. Тудын кужытшо кок меҥгат 374 метр. Контрактыште гарантийын жапшат ончыкталтеш. Асфальтобетонлан- вич ий, бордюр кӱлан- кок ий, корно палылан- вич ий, разметкылан- ик ий. Документыште тыгак ыштышаш чыла паша возалтеш.