Ик ий гыч чыла медицина организаций- влак электрон медкартыш куснат

Ик ий гыч Россий Федерацийысе чыла медицина организацийлаште электрон медкартылан увер системым шындарыме лиеш. Тидын нерген тазалыкаралтыш министерствылан эҥертен, «Россий газет» увертара. Тиде куснымаш федерал проектын ик ужашыжлан шотлалтеш. Калыкле медицина палатын президентше Леонид Рошальын мутшо почеш, кагаз гыч электрон медкартыш куснымаш кызытеш эркын кая. А иканаште кагаз да электрон картым вӱдымаш врач- влаклан пашам эше утларак ешара. Тыгай пашам кызыт 89 процент медицина пашаеҥ шукта, а электрон документооборотыш куснымо годым нелылыкым 70 процент врач шижеш. Цифран технологийым шыҥдарыме нерген йодыштмаш ончыктен: 11 процентын компьютерышт уке, 21 процентым интернет деке ушымо огыл, 29 процентын организацийыштышт медицина увер системышт уке. Кугу медицина организаций- влак содыки электрон медицина картыш кусненыт да пашам ыштат. Кызыт кажне пациентын черланыме историйжым цифроватлаш гына огыл, кузе уверым иземден колташ да кӧ тидым ышташ тӱҥалеш?- тиде йодышым виктарыман,- каласен медицина увер технологийым вияҥдыме ассоциацийым вуйлатыше Михаил Эльянов. Эше ик йодышыжо- медицина пресоналым у технологий дене пашам ышташ туныктымаш да технолгийым шыҥдарымаш. Кызыт медицина организаций- влак компьютерым наледат. Идалык мучаш марте 800 тӱжем электрон машинам налшаш улыт, а 2021-ше ийлан 820 тӱжем деч шагал огыл компьютизироватлыме пашавер лийшаш,- воза газет.

Прошлые выпуски