Ик банк гыч весыш комиссий деч посна оксам кусараш лиеш
Российын Банкше 2022-шо ий июнь марте писын тӱлымӧ системыште еҥ- влакын оксам кусарымыштлан банк- влаклан комиссийым налаш чарен. Еҥ- влак икте- весыштлан оксам йӧнан, лӱдыкшӧ деч посна да чыла вере колтен кертшаш улыт. Сандене кок ийлан льготан жапым уэш пурташ кутырен келшышна, - каласен Рӱдӧ Банкым вуйлатышын икымше алмаштышыже Ольга Скоробогатова. Система кодшо ийын январь мучашыште ышташ тӱҥалын. Тушко 40 банк ушнен, эше 160 наре банк тушко ушнаш ямде. Писын тӱлымӧ системе полшымо дене еҥ- влак телефон номер дене кеч-могай банк гыч але банкыш оксам кусарен кертыт, тыгак КуАр код полшымо дене сату але полышлан тӱлаш лиеш.