Эрик Сапаев лӱмеш опера да балет театрын премьерже Артём Веденкин Российысе лӱмлӧ призым налын

                     Эрик Сапаев лӱмеш опера да балет академический марий театрын премьерже Артём Веденкин Российысе балетыште эн кугу лӱман «Куштымашын чонжо» призым «Нӧлталтше шӱдыр» номинацийыште налын. Ынде театр «Балет» журналын ныл премийжым налше улеш. «Куштымашын чонжо» призым ыштыме деч вара тудо Российысе хореографийын символышкыжо савырнен. 1994-ше ий гыч тиде наградым Ольга Челпанова ден Константин Коротков «Звезда» номинацийыште, Константин Иванов «Куштымашын рыцарьже» номинацийыште налыныт. «Балет» журнал ден Российысе тӱвыра министерствын ыштыме  «Куштымашын чонжо» приз ынде 25 ий хореографий сымыктышыште сеҥымашыш шумылан пуымо элысе ик награде гына улеш.
                    Фото: ВК «Э.Сапаев лӱмеш опера да балет марий театр»