Эрла Йошкар-Оланан шочмо кечыже
Эрла Йошкар-Оланан шочмо кечыже. Рӱдӧ оласе калыкым да уна- влакым 436-шо шочмо кече дене Марий Элым вуйлатыше Александр Евстифеев саламла. Тиде пайрем Изи Какшан эҥер серыште верланыше мотор олаште шочшо да илыше чыла еҥым ушен шога. Кызыт Йошкар- Ола экономически вияҥше, тӱвыра да туризм рӱдер. Тудо йот элласе моло олаласе да республикысе калыкын йӧратыме каныме верже. Кажне кечын ола уэмеш да вашталтеш. У микрорайон- влак шочыт, социал объект- влак нӧлталтыт, парк ден сквер- влак ужаргат. Сай вашталтышлан Российын Президентше Владимир Путинын тӱҥалме калыкле проект-влак кугу полышым пуат. Оласе калыклан кундемым тӱзатыме верч тыршымыштлан таум ойлем. Ӱшанме оласе кучем ден калык ончыкыжымат олам вияҥдаш да пеледыкташ тыршаш тӱҥалыт, - ойлалтше республикым вуйлатышын саламлымашыштыже.
Йошкар-Олан кечыже вашеш икмыняр оҥай факт дене палдарена. Тудым 1584-ше ийыште негызлыме. Изи Какшан эҥерын кӱкшӧ серыштыже пу гыч ыштыме ор семын лийын, ныл велым кошартыме пырня дене савар семын авырен налме улмаш. Икымше лӱмжӧ Царевококшайск- Какшан эҥерыште царьын олаже. Революций деч вара Краснококшайскыш свырнен, а вара Йошкар-Ола лийын. Тыгаяк лӱман эше кок ола уло: Нарьян-Мар ден Махачкала. Йошкар-Ола лӱмым моло олалаштат, тӱнямбалне да сандалыкштат вашлияш лиеш. Венгрийысе Сомбатхей олаште ик квартал, Францийысе Бурж олаште урем тыгай лӱман улыт. Нуно иза-шольо ола улыт. Тыгак Америкысе Касвел Вирджинийысе Принстон ола иза-шоло олалан шотлалтеш. Тиддеч посна сандалыкыште изи гына планета Йошкар-Ола лӱмым нумалеш. Зеленодольск олаште Йошкар-Олинский урем уло, Волжскышто Йошкар-Олинский шоссе, Озаҥыште Краснококшайский урем улыт.
Йошкар-Олан кечыже вашеш икмыняр оҥай факт дене палдарена. Тудым 1584-ше ийыште негызлыме. Изи Какшан эҥерын кӱкшӧ серыштыже пу гыч ыштыме ор семын лийын, ныл велым кошартыме пырня дене савар семын авырен налме улмаш. Икымше лӱмжӧ Царевококшайск- Какшан эҥерыште царьын олаже. Революций деч вара Краснококшайскыш свырнен, а вара Йошкар-Ола лийын. Тыгаяк лӱман эше кок ола уло: Нарьян-Мар ден Махачкала. Йошкар-Ола лӱмым моло олалаштат, тӱнямбалне да сандалыкштат вашлияш лиеш. Венгрийысе Сомбатхей олаште ик квартал, Францийысе Бурж олаште урем тыгай лӱман улыт. Нуно иза-шольо ола улыт. Тыгак Америкысе Касвел Вирджинийысе Принстон ола иза-шоло олалан шотлалтеш. Тиддеч посна сандалыкыште изи гына планета Йошкар-Ола лӱмым нумалеш. Зеленодольск олаште Йошкар-Олинский урем уло, Волжскышто Йошкар-Олинский шоссе, Озаҥыште Краснококшайский урем улыт.