Чыкма олаште вучымо у поликлинике почылтын

Республикым вуйлатыше Александр Евстифеев Козьмодемьянск олаште поликлиникым почмаште лийын. тудын почылтмыжым оласе да пошкудо илемласе калык ныл ий вучен. Тудым чоҥен пытарыме йодышым икымше гана Александр Евстифеев эше 2017-ше ийыште шынден. Вара тудым Федераций Советын пунчалышкыже пуртымо. Чоҥен пытараш 133 миллион теҥгем ойырымо. Ынде пашам мучашлыме, вашке икымше пациент- влакым вашлиеш. Козьмодемьянскысе межрайонный эмлыме верын тӱҥ врачше Николай Сидоровын мутшо почеш, поликлиникыш кызытсе жаплан келшыше оборудованийым вераҥдыме, чапре ремонтым ыштыме, калык почылтмыжым вуча. Республикымв уйлатыше журналист- влаклан ыге каласен: мый 2017-ше ий гыч тӱҥалын тыште иктаж шым гана лийынам. Чоҥен пытарыме пашам Федераций Советыште каҥашыме, ешарен эше оборудованийым ситарыме йодышым шындыме. Чыла задачым шуктымо, оборудованийым вераҥдыме, тыгыде кырча-марча сомыл гына кодын. Икмыняр кече гыч тудо Козьмодемьянскысе, Курык марий да Юрино районысо калыкым эмлаш тӱҥалеш.