Марбумкомбинат ешартыш кум миллионат пеле теҥгем налын

Российын пӱртӱс поянлык министерствыже Марбумкомбинатлан кум миллионат 500 тӱжем теҥгем ойырен. Российысе пӱртӱс министерствыште предприятий- влаклан очистной сооружений- влакым ышташ субсидийым ойырымо шотышто иктешлыше комиссийже эртен. Тенийсе нылымше кварталыште инвестиций проект- влаклан 55 миллион утла теҥге субсидийым Москон, Санкт-Петербургын, Екатеринбургын, Ростов-на-Донун, Воронежын, Тольяттин, Сыктывкарын, Чувашийын, Марий Элын, Краснодар да Камчатке крайын предприятийже- влак налыныт. Марий целлюлоз-кагаз комбинатлан кум миллионат 500 тӱжем теҥгем пуымо. Очистной сооружений- влакым уэмдыше предприятий- влаклан кугыжаныш полыш «Российын вӱдшӧ» федерал целевой программе почеш ойыралтеш.