Александр Евстифеев Москошто Транспорт арня форумышто пашам ышта

Москошто Транспорт арня кышкарыште «Российын транспортшо» 13-шо Тӱнямбал форум ден выставкын мероприятийлаже эрта. Теҥгече тудо икымше кече пашам ыштен. Тудын кышкарыште Александр Евстифеев  «Лӱдыкшыдымӧ да сай качестван автомобиль корно- влак» калыкле проектым шыҥдарыме йодыш дене конференцийыште участвоватлен. Российын транспорт министрже Евгений Дитрих проектым шыҥдарымылан вуйын шогышо- влакын пырля шуктымо пашаштын кугу лектышыжым палемден. Тений Россий мучко 12 тӱжемат 930 меҥге кужыт корным норматив марте шуктымо. Конференцийыш погынышо- влак эн сай пашам, сеҥымаш- влакым, могай нелылык вучымым каҥашеныт. Икымше кечысе пашан лектышыже почеш Александр Евстифеев проектым шыҥдарымаште Марий Элысе сеҥымаш- влак нерген каласкален. Марий Эллан тиде историеш кодшаш паша. Ме тенийлан палемдыме заданийым ончылгоч шуктенна, поснак у технологий дене олмыктымо пашаште. Тиде сомыл умбакыжат вияҥаш гына тӱналеш. Тыгак тудо корно проектым шыҥдараш полшышо моло йодыш- влакымат ушештарен. Мутлан, мӧҥгыш корно, пашашке, тунеммашке корно, туризмым вияҥдымаш, полышым ситарымаш, тазалыкаралтыш, туныктымо пашам вияҥдымаш да молат. Туризм сай ошкылым ыштен. Тудо округышто ончыко кайымаш дене икымше верыште улеш. Александр Евстифеев тыгак кӱлешан задаче- Йошкар-Ола- Угарман корным федерал погыш кусарыме нерген ойлен. Тидыже корно фондым аныклен кодаш полша. Транспорт арнян икымше кечынже каҥашыме йодыш- влак дене шумо лектышым республикыште кучылташ тӱҥалына,- каласен Александр Евстифеев.
ВКонтакт Одноклассники Facebook Twitter Livejournal Google Plus
Поделиться

Прошлые выпуски