20-шо август гыч спорт таҥасымаш- влакым уэш эртараш тӱҥалыт
Марий Элыште 20-шо август гыч чыла йодмашым шуктен, спорт таҥасымаш- влакым уэш эртараш тӱҥалыт. Спорт- туризм министерствын приказше почеш, таҥасымаш- влак ончышо-шамыч деч посна эртаралтыт. А участник- влак коронавирус шотышто тестым эртышаш улыт. Кажне таҥасымаште ик площадкыште 50 деч уто еҥ лийшаш огыл. Ӱчашымашке республикыште илыше- влак гына ушнен кертыт. Таҥасымаш деч ончыч организатор- влак кидлан дезинфекцийым ышташ средствым, маскым ситараш, моло йодмашым шуктышаш улыт.